Sigurvegarar janúaráskorunar 2024

Nú höfum við loksins afhent allar viðurkenningar fyrir æfingaáskorun í janúar. Mjög margir nemendur tóku þátt og skiluðu inn blaði með yfirliti um hversu mikið viðkomandi æfði sig. Þegar vinningshafar voru valdir var horft til hversu oft og lengi nemendur æfðu sig með tilliti til aldurs. Þá var einnig horft til þess hvort nemendur hefðu æft sig þannig að framfarir væri greinilegar. Óskum við þessum dugnaðarforkum innilega til hamingju með frábæran árangur, en viljum einnig hrósa hinum sem tóku þátt. Nú er febrúar senn á enda og verður spennandi að sjá hverjir hafa staðið sig best í þeirri áskorun.