Framhaldsprófstónleikar Hugrúnar Lilju
21.11.2023
Hugrún Lilja Pétursdóttir
Hugrún Lilja Pétursdóttir heldur framhaldsprófstónleika í Blönduóskirkju laugardaginn 2. desember og hefjast tónleikarnir kl.14:00. Hugrún Lilja stundaði nám við Tónlistarskóla A.-Hún og lauk þaðan grunn- og miðprófi. Hún hefur undanfarin ár numið píanóleik hjá Þórarni Stefánssyni og lýkur nú framhaldsprófi frá Tónlistarskólanum á Akureyri. Flutt verða verk eftir Bach, Joplin, Haydn og Chopin og segir í tilkynningu um tónleikana að allir séu hjartanlega velkomnir.